ايستيقلال مارشي
محمت عاكيف ارسوي
١٩٢١
مارش، سٶزوموز يازيمي اساسيندا و آزربايجان توركجه سينه كٶچوروله رك يازيلميشدير.
قورخما سٶنمه ز بو شفقلرده اوزه ن آل سانجاق
سٶنمه دن يوردومون اوستونده توته ن ان سون اوجاق
او منيم ميللتيمين اولدوزودور، پارلاياجاق
او منيمدير، او منيم ميللتيميندير آنجاق.
چاتما، قوربان اولاييم چٶهره ني ائي نازلي هيلال
قهرمان عيرقيما بير گول! نه بو شيددت، بو جلال؟
سنه اولماز تٶكوله ن قانلاريميز سونرا حلال
حاققيدير حاقق`ا تاپان ميللتيمين ايستيقلال!
من ازلدن بريدير حور ياشاديم، حور ياشارام
هانسي چيلقين منه زنجير ووراجاقميش؟ شاشارام!
كوكره ميش سئل كيمييه م، بنديمي چئينه ر آشارام
ييرتارام داغلاري، انگينلره سيغمام، داشارام.
غربين آفاقيني سارميشسا چليك زيرهلي دووار
منيم ايمان دولو گٶيسوم كيمي سرحدديم وار
اولوسون، قورخما! ناسيل بٶيله بير ايماني بوغار
مدنييت دئدييين تك ديشي قالميش جاناوار
آرخاداش! يوردوما آلچاقلاري اوغراتما ساقين!
سيپر ائت گٶوده ني، دورسون بو حياسيزجا آخين
دوغاجاقدير سنه وعد ائتدييي گونلر حاقق`ين
كيم بيلير، بلكه يارين، بلكه ياريندان دا ياخين.
باسديغين يئرلري "توپراق" دييه ره ك گئچمه، تاني!
دوشون، آلتينداكي مينلرجه كفنسيز ياتاني!
سن شهيد اوغلوسان، اينجيتمه، يازيقدير آتاني!
وئرمه دونيالاري آلسان دا بو جننت وطني
كيم بو جننت وطنين اوغرونا اولماز كي فدا؟
شوهدا فيشقيراجاق توپراغي سيخسان، شوهدا
جاني، جاناني، بوتون واريمي آلسين دا خودا
ائتمه سين تك وطنيمدن مني دونيادا جودا
روحومون سندن، ايلاهي، شودور آنجاق املي
ده يمه سين معبديمين گٶيسونه نامحرم الي!
بو اذانلار كي شهادتلري دينين تملي
ابدي يوردومون اوستونده منيم اينله مه لي
او زامان وجد ايله من سجده ائده ر - وارسا داشيم
هر جريحه مدن، ايلاهي، بوشانيب قانلي ياشيم
فيشقيرير روح-ي موجررد كيمي يئردن نعشيم
او زامان يوكسه له ره ك عرشه ده يه ر بلكه باشيم!
دالقالان سن ده شفقلر كيمي ائي شانلي هيلال
اولسون آرتيق تٶكوله ن قانلاريمين هپسي حلال
ابديين سنه يوخ، عيرقيما يوخ ايضميحلال
حاققيدير، حور ياشاميش بايراغيمين حوررييت
حاققيدير حاقق`ا تاپان ميللتيمين ايستيقلال
سٶزلوك
آخين: هوجوم، سالديري
انگين: چوخ گئنيش
اوغراتماق: بير شئي و يا كيمسه نين بير يئردن گئچمه سي و قالماسينا يول و ايذين وئرمك
اوغرونا: يولوندا
اينله مك: آجي و اوزونتو سسلري چيخارماق
تاپماق: توتقو ايله سئومك و باغلانماق
توتمك: دومان چيخارماق
چليك: پولاد
چيلقين: دلي، آشيري داورانيشلاردا بولونان كيمسه
ساقين: چكين! زينهار!
سانجاق: بايراق
سيغماق: بير قابا، يئره بوتونويله گيره بيلمك، يئرله شه بيلمك
شاشماق: حئيرت ائتمك
كوكره مك: آسلان كيمي باغيرماق
گٶوده: بدن
گٶيوس: سينه
ناسيل: نئجه
هپسي: هاميسي، واري
يارين: ساباه
